Ad Banner
Ad Banner
Ad Banner
Ad Banner

Scholz: Gjermania është e gatshme për një rol udhëheqës ushtarak në Evropë

12:14 | 18 Shtator 2022
A. B.

Gjermania është e gatshme për një rol udhëheqës ushtarak për të garantuar sigurinë e Evropës, deklaroi sot kancelari gjerman Olaf Scholz.

Duke folur në një konferencë ushtarake në Berlin, Scholz tha se sulmi rus ndaj Ukrainës është një pikë kthese në histori, shkaktoi ndryshim paradigme në çështjet e sigurisë dhe e bëri të nevojshme që Gjermania të forconte ushtrinë e saj.

Ai theksoi se Gjermania është vendi më i populluar dhe ekonomia më e madhe e BE-së, duke argumentuar se forcat e armatosura gjermane (Bundeswehr) duhet të bëhen ushtria “më e pajisur” në Evropë.

“Gjermania është e gatshme të marrë një rol udhëheqës, të marrë përgjegjësinë për sigurinë e kontinentit tonë”, tha Scholz dhe tentoi të bindë vendet fqinje për planet e Berlinit.

Ai tha se “miqtë dhe partnerët e tyre evropianë nuk duhet ta shohin këtë qëllim si kërcënim”. /ATSH-AA/

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm